Houbo Magosto!

Houbo magosto! Case, case, chegando ao Nadal. Pero as castañas precisan lume, e con tanta auga, chuvia e vento, non foi doado preparar esta xornada.

Mais ao final houbo festa, con castañas, xogos e música. Por sorte, tivemos a colaboración e axuda do alumnado de sexto. Sen o seu traballo non poderíamos facer nin organizar os distintos xogos tradicionais galegos. Estiveron en cada grupo coidando de que todo o mundo puidera xogar e axudando a quen o precisaba. Así que, dende aquí, mostrar o noso agradecemento polo bo traballo realizado.

As fotos! Deixámosvos unhas cantas imaxes que esperamos que vos gusten: https://photos.app.goo.gl/vQD2iir1jUdEDMDw5.

Se por calquera motivo, considerades que algunha non debería de estar subida, avisade, e rapidamente se quitará.

Un saúdo e seguimos en contacto!

Xornada medioambiental a través do Paddle surf

Vaia título para comezar esta nova entrada… e que tampouco é doado resumir nunha frase a actividade deste luns (…)

Xornada de sensibilización sobre o problema dos plásticos nos nosos mares?

Iniciación ao Paddle surf?

Imos polo principio! A idea deste ano é facer do noso centro unha escola “Activa e saudable”, non?

Pois aquí temos unha iniciativa que recolle moi ben o espírito desta proposta: fomentar a actividade física e que se desenvolvan contidos e valores positivos para o noso alumnado.

Hai que darlles as grazas a “Urbanculturefactory” que acertaron de cheo propoñéndonos traballar con Oscar Graña; un apaixonado do mar, da natureza e que leva media vida cambiando conciencias (buscade información da súa ONG “Coge3”). E con Milo Castelo, que leva mais tempo sobre o mar e entre as ondas que pisando terra firme.

Gustounos a actividade, moito! Aprendemos cos compañeiros e compañeiras, e compartimos unha xornada das que deixan bos recordos…

Aquí vos deixamos unha pequena colección das fotos que estiveron sacando as familias que se achegaron, esperamos que vos gusten.

https://photos.app.goo.gl/TLe1UAq1QxYezqH37

E para rematar, un recordo a un dos grandes; Eduardo Galeano:

Mucha gente pequeña

en lugares pequeños,

haciendo cosas pequeñas,

pueden cambiar el mundo.

Ruta da Pedra e da Auga

Moi boas! Xa estamos aquí co balance da nosa andaina pola ruta da Pedra e da Auga.

Ás dez da mañá comezábamos a camiñada xusto ao pé da ruta. Por sorte, a Agrupación de Protección Civil de Ribadumia estábanos esperando para garantir a seguridade nos tres pasos de peóns que tivemos que atravesar.   

Tivemos unha pequena parada antes de chegar ao parque onde está a Aldea Labrega pero, dende aí, levouse un ritmo bastante alto que nos permitiu chegar a Armenteira dúas horas despois, menos tempo do que contabamos.

Despois merenda e visita guiada ao mosteiro, para ver e comprender a importancia que tivo esta ruta ao longo dos séculos.

Pensamos que a xornada cumpriu os nosos obxectivos, actividade física saudable e inclusiva, para todos e todas; contacto coa natureza nun entorno de gran beleza, e xornada de convivencia e ocio compartido.

Aquí vos deixamos as primeiras fotos: https://photos.app.goo.gl/VGqxKL32s3xNGdVa6

Esperamos que vos gusten e se hai algunha que considerades que non debería de estar, avisade e rapidamente quitarase da galería.

Un saúdo e seguimos en contacto!

Día Europeo do Deporte Escolar, #BeActive

Boas! Hoxe querémosvos contar unha iniciativa que se vai a desenvolver en toda Europa: A semana Europea do deporte saudable; #BeActive #somosactivos #Galiciasaudable

O propio Parlamento Europeo destaca a necesidade de contar cunha sociedade activa e saudable, independentemente da idade, xénero, condición física e capacidade.

Así que, nesta semana, imos a acadar ese obxectivo de 120 minutos de actividade física a través dunha actividade en contacto coa natureza e de gran valor etnográfico e cultural.  Agora só falta que o tempo nos acompañe!

Un saúdo e seguiremos informándovos.

Un novo curso!

Moi boas! Xa estamos  novamente por aquí, cun novo curso e moitas ilusións e novidades.

Esperamos que tiverades un verán cheo de grandes momentos para empezar coa enerxía acumuladas nestas semanas de vacacións.

E, dende xa, queremos anunciarvos para este curso o noso obxectivo vai ser a transformación da nosa escola en todo un "Centro activo e saudable"

 Un saúdo e seguimos en contacto. Deica!

E chegamos ao final…

Case sen darnos conta, estamos a rematar o presente curso 2018-2019 (…) E, por aquí, pasounos rapidísimo; de feito quedaron temas por dar, actividades por realizar e planes que nos gustaría ter desenvolvido. Coma sempre, os días de verán será un bo momento para axustar o noso Proxecto deportivo de centro ao novo curso.

Algunhas ideas que imos a anotar: Recreos mais activos! Usando a aula de música para propoñer bailes, aerobic ou zumba, se fai falta! Mais actividades intercentros, con deportes adaptados en idade escolar. Contacto coa natureza! Mais verde no tempo escolar (por moito que buscamos, soamente vemos o verde nas cadeiras e nas mesas…) E unha maior colaboración coas familias, necesitamos facer deste proxecto unha forma de traballar compartida; soamente así poderemos consolidar uns estilos de vida “activos e saudables”.

Que teñades unhas magníficas vacacións! Porque o merecedes, e porque tedes o dereito e a obriga destas semanas de tempo de lecer. Poucas pantallas, moito xogo e aire libre.  

Vémonos á volta do verán, unha aperta a todos e todas.

Baloncesto 3x3

Pois xa imos rematando o curso... e unha das últimas actividades dende a nosa área foi a participación na xornada de baloncesto na rúa, en modalidade 3x3

Unha mañá de deporte saudable, convivencia e promoción de actividade física inclusiva.
Aquí vos quedan unhas cantas fotos dos partidos. Esperamos que vos gusten. Saúdos!

https://photos.app.goo.gl/7iK7Eknh1FT5Qr877

E agora, 5ºB!

Pois xa temos os últimos vídeos coas coreografías de 5ºB. Esperamos que vos gusten e se hai algún erro na edición, avisádenos!
(Actualizado! Que faltaba un vídeo por subir e xa estamos ao completo)

Chega 5ºA!!

Quentiños, quentiños... aquí están os vídeos de Acrosport do grupo de 5ºA:

(Se vedes algún erro, avisade!)

E seguimos co Acrosport, en 4º

E agora tócalles ao alumnado de 4ºB (Edito a entrada, o terceiro vídeo ten mal os títulos de crédito, que estamos en 4ºB, sorry!)

Moito rítmo, coreografías imaxinativas e habilidades ximnásticas de gran dificultade. Que mais se lle pode pedir a estos rapaces e rapazas?

Empeza o Acrosport!

Remata o curso! E dende educación física queremos mostrarvos a creatividade que ten o noso alumnado cando traballamos co Acrosport.

Como xa vos contamos, é un disciplina cooperativa onde hai unha parte artística e outra de figuras e pirámides; usando as habilidades ximnásticas como elemento de enlace entre unha figura e outra.  

A música non pode faltar e o resultado aquí o tedes: os primeiros vídeos de 4ºA; creatividade, baile e ximnasia que esperamos vos guste tanto coma a nós!

Xornada de deporte adaptado

Moi boas! Este venres tivemos a oportunidade de coñecer e practicar distintas modalidades de deporte adaptado.

Como ben sabedes o deporte non coñece barreiras, porque a presenza dunha discapacidade non é límite para un proxecto de vida activo e saudable. Así que, grazas a invitación da Asociación Amizade, puidemos probar o potencial que teñen estas disciplinas deportivas, como ferramenta inclusiva e como novas opcións para o noso tempo de lecer.

Un saúdo e aquí vos quedan algunhas fotos desta xornada!

https://photos.app.goo.gl/ZFpouSgvi9sqcU8U6

Ah! E as fotos do xornal Pontevedraviva.com:
https://pontevedraviva.com/deportes/54953/montero-rios-vistese-cuarto-ano-pista-deportiva-adaptada/

Xornada de Xogos tradicionais

Moi boas! A que resulta moi difícil atopar rapaces e rapazas que estean a practicar Xogos tradicionais galegos?

Nunha cidade, contexto urbano; non hai moitos espazos abertos, con terra e paus para xogar, certo é! Ademais, perdeuse unha xeración de pais/nais que os practicaron… E resulta unha mágoa, porque a través deles podemos acadar valores moi desexables coma a cooperación, o xogo limpo, a aceptación das regras establecidas…

Pois con esta necesidade, de recuperar unha parte da nosa cultura, o mércores desprazámonos ata Silleda onde nenos e nenas de distintos centros puideron practicar e aprender xogos coma a Billarda, a Chave ou os Bolos Celtas. E nos tempos de descanso? Pois baile, loita e un fútbol sala!

Unha gran xornada e un bo recordo, do que aquí vos quedan algunhas fotos:

https://photos.app.goo.gl/KZ4h6HLnoRDXqDVY8

(Acordádevos, se hai algunha foto que non queredes que estea pública, avisade e rapidamente a quitaremos) Un saúdo e ata á proxima!

Carreira solidaria

Xa estamos aquí con novas fotos! https://photos.app.goo.gl/6QwpzeJLEFaPo5P16

Onte participamos na carreira solidaria que organizou o colexio Sagrado Corazón de Placeres, con motivo do seu centenario, colaborando co Banco de alimentos de Pontevedra.
Sol, Illa das esculturas e unha xornada activa e saudable.

Esperamos que vos gusten as fotos, e se hai que quitar algunha -polo motivo que sexa- avisade e rápidamente se quitará da galería. Saúdos e que teñades unha magnífica Pascua

D.A.F.I.S.

Moi boas! Como xa vos explicamos noutras ocasións, o noso Proxecto deportivo de centro ten como finalidade a promoción de estilos de vida activos e saudables dende un ámbito educativo. 

Neste contexto, un dos nosos obxectivos tiña que ser, a valoración da condición física. Necesitábamos saber como estamos para  así programar actividades específicas naqueles aspectos a mellorar.

Aquí vos queda o enlace coa descrición das distintas probas:

https://dafis.xunta.es/dafis2/index.php/pruebas-test 

E mais nada, esperamos que vos gusten as probas e que os resultados nos sirvan para ver cales son as nosas fortalezas e onde debemos incidir mais.

Saúdos!

Xornada de Xoga-loita

Este venres, día 22 de marzo, os grupos de 4º desprazámonos ata o CGTD para xogar á loita con nenos e nenas doutros centros.

Aproveitando a celebración dun acordo para promover a igualdade no deporte, distintos alumnos e alumnas participaron nun encontro multideportivo dentro do marco “Xogade”. A nós, tocounos coa Xunqueira II; xogos de agarre, empuxe, forza e moita diversión. Non importaba quen gañara e si o xogo limpo en igualdade.

Unha boa xornada da que aquí https://photos.app.goo.gl/VQQaPQATFyDiS73w8, vos deixamos unhas cantas fotos. Acordádevos! Se algunha non vos gusta, avisade e rapidamente a quitaremos.

Un saúdo e ata á proxima!

Xornada de atletismo en pista!

Xa estamos novamente polo blog, con fotos!

https://photos.app.goo.gl/2AAgTybvxerKnCVA9

Pouco a pouco, van saíndo estas actividades que tanto precisamos para aumentar o noso tempo de actividade física e que nos permiten coñecer outras disciplinas deportivas.

Aquí vos deixamos  unhas poucas imaxes desta xornada de convivencia con nenos e nenas doutras escolas. Esperamos que vos gusten, pero hai poucas, “problemas do directo”. Coma sempre, se hai algunha foto que non vos gusta, avisade e rapidamente a retiraremos.

Un saúdo e a seguir así de “activos e saudables”.

Cómo podemos movernos mais?

Bo día! Somos un "Centro activo"? Promovemos a actividade física coma parte dun estilo de vida saudable para todos e todas?

O alumnado dos grupos de 4º xa están contabilizando o número de pasos que dan en cada xornada e, aínda que non temos a totalidade dos datos, os primeiros resultados indican que as mañás poderían ser menos sedentarias.

Suxerencias! Organizamos doutro modo os recreos? Precisamos novos espacios para os tempos de lecer? Buscamos algún outro tempo ao longo da mañá?

Esperamos contar coa vosa colaboración a través dos comentarios no blog e tamén faremos partícipes ao resto do profesorado desta inquedanza.

Un saúdo!

Movémonos?

Moi boas! Temos o blog moi, pero que moi parado. Así que primeira iniciativa!

(Seguimos en contacto... Un saúdo!)

Feliz 2019!

Xa estamos novamente por aquí, con moitas ideas e proxectos en mente! A ver si entre todos e todas facemos do noso centro unha escola mais activa e saudable.

Vamos cun vídeo! De cando estivemos xogando ao baseball, para o día de New York. Esperamos que vos guste.
Saúdos e seguimos en contacto. Abrigádevos!