New York Day!

Boas... (e retomando actividade no blog...)

Onte foi a celebración do Día de New York, e dende educación física quixemos participar, coa axuda da nosa lectora Tara, xogando... ao Baseball!!

Aínda nos queda traballo por facer... pero pasámolo ben e iso é o que conta!

En breve, subirei outro vídeo -coa colaboración de 6ºB- onde aparecerán algunha destas xogadas!

O dito, boas festas e que teñades un magnífico Aninovo! Saúdos!

Carreira Campo a través

Moi boas! Xa estamos novamente co blog operativo e que mellor modo que facelo coas fotos da Carreira na Illa das Esculturas.

O mércores a chuvia deunos unha tregua para que os nenos e nenas de toda Pontevedra puideran participar na súa xornada de Cross. Foi o Campionato Zonal das xornadas de deporte escolar que coma ven sendo tradición disputouse na zona da Xunqueira, un dos mellores lugares da nosa cidade para poñerse as zapatillas e botarse a correr.

Gran xornada de participación, convivencia e de mostrar hábitos saudables para o noso tempo de lecer. Aquí abaixo queda o enlace con algunhas fotos da xornada (esta vez hai poucas porque o fotógrafo non estaba para moitas carreiras) e, coma sempre, se considerades que algunhas da imaxes non debería estar subida, avisade, e rapidamente quedará retirada.

https://photos.app.goo.gl/iQ7rbgjrAamidPtF9

Un saúdo e esperamos que vos gusten!

Valoración inicial da área de Educación Física

Moi boas! Pouco a pouco ímoslle collendo o ritmo a este novo curso e o blog tamén ten que ir collendo avanzando. Así que imos aló:

A idea deste espazo é facer visible propostas e iniciativas para fomentar a actividade física saudable, aínda que tamén nos pode servir de ferramenta para publicar algúns dos traballos realizados dende a nosa área. 

Un exemplo son as enquisas realizadas sobre os temas traballados en Educación Física. Cos resultados, que aquí vos deixamos, tentaremos axustar os contidos programados. A vosa opinión é moi importante!

Veña saúdos e seguimos en contacto… Boa semana!

Un novo curso!!

E xa estamos aquí co blog en marcha:

Con moitos proxectos e ideas que queremos compartir a través deste espazo dixital. Obviamente a inercia será a de darlle mais importancia a comunicación e ás actividades a través de Edixgal, pero o blog sempre vai a estar aí; coma unha declaración de intencións da nosa área.

Así que aquí vos queda a primeira publicación deste curso 2018/19. 

Esperamos que vos guste!

Saúdos.

E chegaron as vacacións!

E case sen darnos de conta, chegamos ao remate deste curso 2017/18.

Foron uns meses nos que se compartiron moitas horas de traballo, tamén de xogo, pero vos merecedes unhas magníficas vacacións!

Agora é momento de facer balance das iniciativas que mellor funcionaron e aquelas outras que debemos revisar; pero sempre coa mesma perspectiva, facer deste centro unha escola de calidade, para todos e para todas, que promova estilos de vida saudables e que busque enriquecer o tempo que compartimos.

Pola vosa parte, mais fácil, moito ocio “activo” para este verán, aire libre e a crecer moito nestes dous meses.

Feliz verán e vémonos en setembro!

Xornada de deporte adaptado

Pois rematando o curso… e do mellor modo posible!

https://photos.app.goo.gl/sVvUyUNwymA2seKu7

Grazas á organización da Asociación de Personas con Discapacidad de Pontevedra (Amizade) os alumnos de 4º puideron participar nunha xornada de sensibilización respecto ao deporte adaptado.

Mentres practicaban baloncesto en cadeira de rodas, o boccia ou percorrían os circuitos de sensibilización o noso alumnado puido comprobar o reto de participar nas distintas modalidades de deporte adaptado.  

Actividade moi necesaria para unha integración efectiva das persoas con diversidade funcional. Esperamos que vos gusten as fotos. Saúdos!

E faltaba a clase de 4º!

Cando xa tíñamos perdida toda esperanza de que conseguiran facer algunha coreografía, aquí están! Os alumnos e alumnas de cuarto!

Hai que recordar que é o seu primeiro ano neste tema e que o tempo de ensaio non foi o suficiente, aínda así, demostraron que a súa creatividade non ten límites. Hala! Xa podedes ver a estos artistas en acción.
Saúdos...

Ruta de sendeirismo polo Salgueiral

Moi boas! Hoxe foi un día dos que gustan a todos e todas... Deses que tanta falta nos fan e que permiten recuperar a experiencia sensorial de contacto coa natureza.

Grazas a iniciativa do Concello de Pontevedra e a Comunidade de Montes do Salgueiral o grupo de cuarto puido participar nunha xornada de sendeirismo pola beira do río Almofrei. Ademais, contamos coa colaboración de Alicia e Gonzalo que nos ensinaron a importancia deste patrimonio natural e que temos aquí ao lado.
Valoración moi positiva da actividade, sen dúbida! (queda anotada en "favoritos" con intención de repetir...)

Fotos! No enlace https://photos.app.goo.gl/Fc4MnwYl4DytXGNB3 e, coma sempre, se hai algunha que pensades que non debería de estar compartida, avisade e retirarase o antes posible. Saúdos!!

Atentos e atentas que veñen os de Sexto!

Hoxe, venres, os grupos de sexto fixeron un magnífico traballo dentro do tema de acrosport. 

Houbo exercicios de gran dificultade pola técnica que tiñan, outros con moi boas coreografías, algún divertidísimo e un que foi todo un espectáculo.

Collede asento e comprobade do que son capaces este grupo de artistas.

(Esperamos que vos guste tanto coma a nós. Saúdos!)

Mais Acrosport!

Nova entrada no blog!

Desta vez co Acrosport en 5ºA . Aínda que un dos grupos non nos demostrou do que son capaces, (actualizado o luns 29, xa están todas as coreografías!) temos xa dúas coreografías, moi traballadas e que esperamos que vos gusten tanto como a nós.

Saúdos e fixádevos no bo traballo que están facendo. Seguimos en contacto, deica!

Carreira de orientación

Moi boas! O pasado mércores tivemos unha actividade ben diferente: carreira de orientación por Pontevedra

Grazas á colaboración do alumnado do Ciclo superior TSAAFD do IES Sánchez Cantón puidemos participar nunha xornada de actividade física saudable con preguntas e pistas marcadas nos mapas. Xogo de cooperación, visión e orientación espacial e algo de cultura acerca de cada unha das prazas da nosa cidade.
Esperamos que vos gustara a actividade tanto coma a nós. E, agora, algunha das fotos https://photos.app.goo.gl/JfNZEiUgLoTxtM1m1

Ah! Os tempos! O equipo de "Os Padre Sarmiento" tardou 49' 10" pero como acertaron todas as preguntas tiveron unha bonificación de dous minutos, superando ao equipo de "Alameda aullante" que completara a carreira en soamente 47'35".
 Parabéns a todos e todas!


Saúdos...

Acrosport

Boas! Coa chegada do bo tempo estamos aproveitando para facer o maior número de actividades ao aire libre (Visita a San Simón, Carreira de orientación...) pero non nos esquecemos do programa de educación física; e nestes días estamos a rematar o noso tema de acrosport.

É unha unidade que está funcionando moi ben xa que fomenta a cooperación e creatividade entre o alumando e, ademais, esixe unha boa condición física para desenvolver as acrobacias e figuras.
Así que aquí vos deixamos uns pequenos vídeos coas coregrafías do grupo de 5ºB. Esperamos que vos gusten!.
Saúdos...

2ª Xornada do FútSal

https://photos.app.goo.gl/jokxqyKkF1MQpRlA2

No día de onte, puidemos participar nun novo encontro deportivo dentro do marco Xogade.
Xunto aos alumnos e alumnas do CEIP Campolongo estivemos toda a mañá xogando e facendo actividade física dentro dun marco educativo e saudable.
No enlace de arriba tedes as fotos da xornada. Esperamos que vos gusten.
Saúdos!

Primeiros auxilios co 061

A pasada semana contamos cunha visita moi especial: Antonio, pai dun alumno de 2º e técnico do 061 acuidiu ao centro para explicarnos normas de actuación ante situacións de emerxencia.


Ademais, trouxo unha ambulancia co fin de que todos puidéramos ver todo o material que se precisa para dar unha rápida resposta a calquera situación de primeiros auxilios. Moitas grazas pola xornada!

Aquí vos deixamos as fotos: https://photos.app.goo.gl/8gHMQix8QIO5yeLp2

Esperamos que vos gusten! Saúdos!

RCP na escola

Xa estamos aquí de novo! Esta vez coa iniciativa que se puido desenvolver a pasada semana:
Nocións básicas de primeiros auxilios orientados ao coñecemento e práctica do RCP.

Parece claro que é necesario contar cunha formación básica que permita facer un recoñecemento precoz das situacións de emerxencias mais comúns e como pedir axuda para gañar tempo.

Así, durante uns días, puidemos comprobar como o RCP (reanimación cardio pulmonar) require de moita enerxía, práctica e uns maniquís Laerdal dispostos a non protestar moito co ritmo da canción de "Bob Esponja".
Deixamos algunhas fotos das prácticas. E hoxe contaremos cunha vistia ao centro dunha ambulacia do 061. Saúdos!