Somos o que comemos?

Agora que estamos a traballar coa época de Grecia clásica, deberíamos recordar que Hipócrates, xa nos dicía que o alimento debía ser a nosa propia medicina (...) 

Xa pasaron moitos anos, pero seguimos a ter un serio problema cos hábitos alimentarios. Nunca tivemos tanta información sobre a necesidade de levar unha dieta saudable e, lamentablemente, cada vez hai mais nenos e adultos con problemas de saude relacionados co que comemos. Da que pensar, non?

Pois dende Educación Física hai un tema moi importante que trata sobre a “Actividade física e a saúde”. Obviamente, coa vosa idade, aínda non tomades moitas decisións sobre o que comedes, pero está claro que estamos nun momento clave para consolidar o que debe ser unha boa alimentación.

Por tanto, entrando en materia:

Almorzos! Son realmente tan saudables como pensades? Seguro??

Imos a abrir un pouco a nosa perspectiva, (que non somos o embigo do mundo...) e aquí vos deixamos un pouco de interculturalidade

 E aquí, xa vos toca traballar: Veña, a buscar información en grupo sobre alimentación saudable (acordádevos, hai que ler e ter conciencia crítica do que leedes...) co fin de elaborar os “Cinco consellos para levar unha alimentación saudable”

Veña, esperamos as vosas propostas en comentarios! Saúdos!